Alefli er aðalverktaki á uppsteypu og fullnaðarfrágangi á um 1680m2 leikskóla og tilheyrandi lóð að Vefarastræti 2-6 í Mosfellsbæ. Leikskólinn sem er á tveimur hæðum er staðsteypt bygging með álklæðningu að utan. Framkvæmdir hófust í ágúst 2023 og eru áætluð verklok sumarið 2025. Verið að vinna í lóð eftir því sem veður leyfir, byrjað á uppsetningu leiktækja. Innanhúss er uppsetningu milliveggja lokið. Málarar eru að byrja á lokaumferð málningar, rafvirkjar, píparar og blikkarar eru í frágangi. Unnið er í kerfisloftum og dúklögn. Hurðauppsetning í gangi.
