Fyrirtækið:
Alefli ehf. byggingaverktakar var stofnað í febrúar árið 1993 af húsasmíðameisturunum Arnari Guðnasyni og Þorsteini Kröyer. Með auknum umsvifum fyrirtækisins bættist Magnús Þór Magnússon í eigendahóp Aleflis. Magnús hafði verið starfsmaður Aleflis í nokkur ár, fyrst sem nemi, síðar sveinn og að lokum meistari og situr nú í stól framkvæmdastjóra. Þessir þrír eru enn einu eigendur fyrirtækisins.
Arnar, Þorsteinn og Magnús eru allir löggildir húsasmíðameistarar hafa víðtæka reynslu af verkstjórn, byggingastjórn og vinnu við stór og smá verk í þau rúmlega 30 ár sem þeir hafa starfað hjá og rekið Alefli ehf.
Samanlagður starfsaldur helstu stjórnenda er því mjög hár samanborið við mörg önnur verktakafyrirtæki í byggingastarfsemi.
Aðrir starfsmenn hafa margir hverjir starfað hjá fyrirtækinu til fjölda ára.
Alefli ehf. hefur víðtæka reynslu af verklegum framkvæmdum og segja má að fyrirtækið hafi byggt, breytt eða innréttað nánast allar gerðir húsnæðis, s.s. íbúðir, hótel, íþrótta-, verslunar-, atvinnu- og skrifstofu-húsnæði.
Gæðatrygging og öryggismál:
Alefli hefur á undanförnum árum leitast við að auka og bæta innra gæðaeftirlit fyrirtækisins, fyrst með því að tileinka sér viðurkennda verkferla og styðjast við gæðakerfi sem gefið er út af Samtökum iðnaðarins. Með innleiðingu Ajour gæðakerfisins árið 2018 má segja að stökk hafi verið tekið í þessum efnum hvað varðar utanumhald og aðgang verkkaupa að upplýsingum.
Hjá Alefli er starfandi öryggis- gæða og umhverfisstjóri sem hefur umsjón með þessum málum. Eins eru öryggisfulltrúar á hverjum verkstað. Þeirra verk í sameiningu er að sjá um að öllum öryggismálum sé fylgt eftir í hvívetna og farið eftir góðum verklagsreglum hvað varðar öryggismál.
Nöfn stjórnenda og skipulag:
Arnar Guðnason, löggiltur húsasmíðameistari, stjórnarformaður.
Þorsteinn Kröyer, löggiltur húsasmíðameistari, meðstjórnandi.
Magnús Þór Magnússon, löggiltur húsasmíðameistari, framkvæmdastjóri, verkefnastjóri.
Helga Jóna Hannesdóttir, fjármálastjóri.
Ólafur Kristinn Magnússon, tæknifræðingur, verkefnastjóri.
Brynjar Árni Stefánsson, húsasmíðameistari, byggingafræðingur, verkefnastjóri.
Ólafur Einar Skúlason, húsasmíðameistari, verkefnastjóri.
Kristinn Þór Arnarson, húsasmíðameistari, verkstjóri.
Gunnar Örn Richter, húsasmíðameistari, verkstjóri
Bjarni Stefán Welbes, húsasmiður, verkstjóri.
Jón Kristinn Snorrason, öryggis-gæða og umhverfisstjóri.
